E āki ana kia mataara hei ngā wā e whakamahi ana i a Sovereign Bank of Aotearoa/Ko Te Peeke o Aotearoa/ Sovereign B O A Ltd/ISKCON Bank (SBOA me tōna katoa) me te paetukutuku kotepeekeoaotearoa.com.
Ehara a SBOA i te peeke kua rēhitatia, kāore hoki e haumarutia ana e Te Pūtea Matua e tētahi atu rānei. Kāore e whakaae ana kia whakamahi i te kupu ‘bank’ ki te ingoa ‘Sovereign Bank of Aotearoa’ kāore hoki e whakaae ana kia whakamahi i te kupu ‘peeke’ ki te ingoa ‘Ko te Peeke o Aotearoa. Ko tāna e tuku nei he ratonga pūtea, engari kāore e rēhitatia ana kia pēnā e ai ki ngā tikanga o Te mākete āhumoni whakatureture o Aotearoa.
E tuku ana a SBOA i ētahi hokinga haumi kāre e tika ana kia pērā rawa te nui (hei tauira $100 ia rā mo te haumi i wāenga i te $1000 ki te $3000), kāore ōna taipitopitonga kōrero e kiia ai e pēhea te penapena i ngā hua e tika ai te tuku i ngā whakahokinga nui rawa.
E whakataeranga ana a SBOA i tana kaupapa mā ngā pae pāpori, mā te whakamahi i a Pukamata me Karere waea ki te tuku pōhiri ki ētahi wānanga kapi, ki ētahi hui.
Na runga i te whakamahinga a SBOA i te ingoa Ko te Peeke o Aotearoa, te whakamahinga o Te Reo Māori hei rauemi whakataeranga, te whakamahinga hoki o te haki o Te Kara o Te Whakaminenga o Nga Hapu o Nu Tireni, kei te māharahara mātou e aru ana rātou i a ngai Māori. Ngā whakapuaki a ngā kaiwhakataki o SBOA e tohu hoki ana kei te aro rātou ki ngā hāpori Iniana ki ngā hāpori Hainamana anō hoki.
Nei te āki kia mataara ki ngā wā e hono ai ki a SBOA, ki ōna hononga anō hoki.
